اسلام آباد۔ 13 ستمبر (اے پی پی) وفاقی وزیر سرمایہ کاری تے چیئرمین بورڈ آف انویسٹمنٹ، قیصر احمد شیخ، سارے شریکداراں کوں متحد رہݨ دی اپیل کریندے ، چھل نال تھئے نقصان دا مقابلہ کریندے ، فعال طویل مدتی منصوبہ بندی، دریائی پٹیاں دے نیڑے تجاوزات مکاوݨ تے جنگلات دی کٹائی دا مقابلہ کرݨ دی لوڑھ تے زور ڈتا ۔ ہک انٹرویو اچ قیصر احمد شیخ ویلھے تے منصوبہ بندی دی کمی کوں ہک وڈا مسئلہ قرار ڈیندے ، کوریا تے چین جیھے ملکاں دی ترقی کوں موثر طویل مدتی حکمت عملی دیاں مثالاں دے طور تے پیش کیتا۔ انھاں چھل تے موسمیاتی تبدیلی جیھے مستقبل دے چیلنج دا مقابلہ کریندے واسطے سانجھی کارروائی تے جامع منصوبہ بندی دی اہمیت تے زور ڈتّا۔ انھاں آکھیا جو پاکستان کوں پائیدار ترقی تے لچک یقینی بݨاون سانڳے سارے شعبیں اچ سانجھی کوششاں دی لوڑھ اے۔ انہاں آکھیا جو موسمیاتی خطرات دا مقابلہ کریندے تے ملک کوں آندے چیلنجاں اچ تیار کرݨ اچ وقتی طویل مدتی حل دی لوڑھ اے۔انہاں اڄوکی چھل کوں تاریخی قرار ڈیندے اعلان کیتا جو میں قومی اسمبلی توں ملݨ آلی گزریل 18 مہینے دی اپݨی ساری تنخواہ امدادی سرگرمیاں اچ مدد سانڳے ݙینداں پیاں۔ انھاں چنیوٹ اچ فصلاں کوں تھیوݨ آلے ضیان تے آکھیے جوٻہوں سارے جانور بچ ڳئن جݙاں جو جانوراں کوں زندہ رہݨ سانڳے وقتی خوراک دی لوڑھ اے۔
.jpg)
