راولپنڈی۔26مئی (اے پی پی):سکیورٹی فورسز اطلاعات دی بنیاد تے ضلع پشاوردے علاقے حسن خیل اچ آپریشن کرتے پنج دہشت گرداں کوں ہلاک کرݙتے جݙاں جو ھک افسر سودھے ݙو فوجی جوان شہید تھئن ۔ آئی ایس پی آر توں جاری بیان موجب دہشتگرداں دی موجودگی دی اطلاعات تے سکیورٹی فورسز ضلع پشاور دے علاقے حسن خیل اچ آپریشن کیتے جیں اچ پنج دہشتگرد جہنم واصل جݙاں جو ترائے زخمی تھئن جݙاں جو فائرنگ دے تبادلے اچ رحیم یار خان توں تعلق رکھݨ آلے 25 سالہ کیپٹن حسین جہانگیر اتے ضلع کرک توں تعلق رکھݨ آلے 36 سالہ حوالدار شفیق اللہ بہادری نال لڑدیں ہوئیں شہید تھی ڳئن ۔ علاقے اچ کہیں وی موجود دہشت گرد دے خاتمے تئیں آپریشن جاری اے ، سکیورٹی فورسز دا عزم اے دہشتگردی دی عفریت کوں منڈھوں مکیسوں تے ساݙے بہادر سپاہیاں دی طرفوں آپݨے عزم کوں مستحکم کرݨ سانڳے ایہو سویاں قربانیاں جاری رہسن۔
