راولپنڈی۔ 25 اپریل (اے پی پی) معصوم شہریاں، مسلح فوج اتے قانون نافذ کرنڑ آلے اداریں تے حملے سمیت دہشت گردی دیاں کارروائیاں اچ ملوث مزید چار خطرناک دہشت گرداں کوں خیبر پختونخوا دی جیل اچ پھاسی ڈے ڈتی گی۔ انہاں دہشت گرداں کوں فوجی عدالتاں سارے الزامات ثابت تھیونڑ تے موت دی سزا سنڑئی ہئی ۔ پاک فوج دے شعبہ تعلقات عامہ (آئی ایس پی آر) دی جاری تفصیل دے مطابق مشتاق خان ولد عمر سلیم ‘ تحریک طالبان پاکستان دا متحرک کارکن ہئی اے قانون نافذ کرنڑ آلے اداریں تے حملے اچ ملوث ہئی جیں پاروں افسر تے نینگر سمیت بہوں سارے لوک جاں بحق تے زخمی تھے ۔ فوجی عدالت اتے مجسٹریٹ دے سامنڑے اے اعتراف جرم کرنڑ تے اینکوں سزائے موت سنڑائی گی ہے۔ عبدالرحمن ولد فضل ہادی تحریک طالبان پاکستان دا متحرک کارکن ہئی۔ اے معصوم شہریاں کوں قتل کرنڑ اچ ملوث ہئی ‘ مجسٹریٹ دے سامنڑے دہشت گردی دیاں ساریاں کاروائیاں دا اعتراف کرنڑ تے اینکوں موت دی سزا سنڑائی گی ہئی ۔ رحمن الدین ولد معمبر تحریک طالبان پاکستان دا متحرک کارکن ہئی اے مسلح فوج اتے قانون نافذ کرنڑ آلے اداریں تے ممبراں دے حملے اچ ملوث ہئی ۔فوجی عدالت تے مجسٹریٹ دے سامنڑے دہشت گردی دیاں ساریاں کاروائیا ں دا اعتراف کرنڑ تے اینکوں موت دی سزا سنڑائی گی ۔۔ ظفر اقبال ولد محمد خان تحریک طالبان پاکستان دا متحرک کارکن ہئی اے قانون نافذ کرنڑ آلے اداریں تے حملے اچ ملوث ہئی جیں پاروں جونیئر کمشنرافیسر سمیت بئے لوک جاں بحق تے زخمی تے ایف سی اہلکار اے ایس آئی شدید زخمی تھے ہن فوجی عدالت تے مجسٹریٹ دے سامنڑے دہشت گردی دیاں ساریاں کاروائیاں دا اعتراف کرنڑ تے اینکوں موت دی سزا سنڑائی گی ہئی ۔
