اسلام آباد-6 ستمبر (اے پی پی) وفاقی وزیر تخفیف غربت، سماجی تحفظ پیر سید عمران احمد شاہ آکھیے جو نبی کریم صلی اللہ علیہ وسلم دی تعلیمات تے عمل نال ہی معاشرتی اتے اقتصادی مسئلیں توں نجات ممکن اے، آپ اخلاق، سچائی اتے حق پرستی دا درس ݙتا، سیرت النبی ہر دور وچ ساݙے کیتے رہنمائی دا سرچشمہ اے۔ 50 ویں بین الاقوامی سیرت النبی کانفرنس توں خطاب کریندے سیرت کانفرنس دے انعقاد تے مبارخ ݙیندے آکھیا جو وزیراعظم دی ہدایت موجب ایں کانفرنس وچ حاضری میݙے کیتے ماݨ دی ڳالھ اے، ایں مہینے وچ انسانیت کوں روشنی ملی اتے خاتم النبین دنیا وچ تشریف گھن آئے، اڄ انہاں دا 1500 واں یوم ولادت اے ایں تے قوم اتے ملت کوں مبارخ ݙیندوں ۔ انہاں آکھیا جو جݙاں دنیا ظلم، جہالت، استحصال اتے فکری گراوٹ وچ ٻݙی ہوئی ہئی تاں نبی کریم صلی اللہ علیہ وسلم تعلیم، برداشت، عدل، اخوت، تحقیق اتے اخلاقیات دی شمع روشن کیتی۔ انہاں دی سیرت طیبہ ہک ایہا پورا ضابطہ حیات اے جیڑھا ہک فرد توں گھن تے ریاست اتے اخلاق توں گھن تے سیاست و معیشت تئیں ہر شعبہ زندگی دی رہنمائی کریندے۔ ایں ویلھے دنیا ہک دور وچ داخل تھی چکی اے جتھاں سوشل و ڈیجیٹل میڈیا انسانی زندگی دا مرکزی حصہ بݨ چکئن، بدقسمتی نال اے ذریعے جتھاں علم، آگاہی اتے ربط دا ذریعہ ہن اوتھاں فتنہ، گمراہی اتے انتشار دا وی ذریعہ بݨدن، ایں دی افادیت دے باوجود رہنمائی سیرت النبی وچ ہی ملسی۔ اے موضوع بہترین انتخاب اے۔ انہاں آکھیا جو نبی کریم اخلاق، سچائی، معافی اتے درگزر دی تعلیم ݙتی اتھاں زبان، قوم، خبر دی سچائی تے وی زور ݙتے۔ نبی صلی اللہ علیہ وسلم دیاں تعلیمات تے عمل نال ہی معاشرتی و اقتصادی مسئلیں توں نجات ممکن اے، سیرت پیغمبر پاک ہر دور وچ ساݙے کیتے رہنمائی دا سرچشمہ اے۔ ربیع الاول او مہینہ اے جیں وچ انسانیت کوں روشنی نصیب تھئی۔ انہاں آکھیا جو بغیر تحقیق کوئی ڳالھ کھنڈاوݨ فتنے اتے فساد دا باعث بݨ سڳدی اے۔ ربیع الاول او مہینہ اے جیں وچ انسانیت کوں روشنی نصیب تھئی۔ 50 ویں بین الاقوامی سیرت النبی کانفرنس دا انعقاد ہک اہم سنگ میل اے۔
.jpg)
