اسلام آباد۔1دسمبر (اے پی پی) صدر مملکت ڈاکٹر عارف علوی دا ضلع اورکزئی اچ کوئلے دی کان اچ دھماکے پاروں جانی ضیان تے ݙکھ تے افسوس کیتے۔ ایوان صدر دے پریس ونگ توں جاری بیان موجب صدرمملکت خمیس کوں اپݨے تعزیتی بیان اچ دھماکے اچ جاں بحق تھیوݨ آلیاں دے درجات دی بلندی اتے زخمیاں دی جلدی صحت یابی کیتے دعا کیتی۔ انہاں جاں بحق تھیوݨ آلیاں دے ٹبراں نال تعزیت کیتی۔ انہاں کوئلے دی کاناں اچ تھیوݨ آلے حادثیاں کوں روکݨ کیتے مثبت اقدامات دی اہمیت تے زور ݙتا۔
