اسلام آباد۔7جون(اے پی پی):سینیٹ دی بزنس ایڈوائزی کمیٹی دا اجلاس چیئرمین سینیٹ سید یوسف رضا گیلانی دی صدارت اچ پارلیمنٹ ہاؤس اچ تھیا ۔ سینیٹ سیکرٹریٹ توں جاری بیان موجب بزنس ایڈوائزی کمیٹی دے اجلاس اچ سینیٹ دے 339 ویں اجلاس دے حوالے نال معاملات تے تفصیلی غور کیتا ڳئے ۔ سیکرٹری سینیٹ سید حسین حیدر کمیٹی کوں اڄوکے اجلاس دے متعلقہ امور تے تفصیلی بریفنگ ݙتی۔کمیٹی اجلاس اچ فیصلہ کیتا ڳئے جو سینیٹ دا اڄوکا اجلاس 21 جون2024 تئیں جاری رہسی چیئرمین سینیٹ سید یوسف رضا گیلانی ہدایت کیتی جو سینیٹ دی کمیٹیاں بݨاوݨ دے حوالے نال معاملات وختی طے کیتے ویسن جݙاں جو قواعد موجب کمیٹیاں دی تشکیل مکمل تھی سڳے۔ ایڈوائزی کمیٹی دےاجلاس اچ ڈپٹی چیئرمین سینیٹ سیدال خان، قائد حزب اختلاف سید شبلی فراز، وفاقی وزیر قانون و انصاف محمد اعظم نذیر تارڑ دے علاوہ سینیٹر ز شیری رحمان، عرفان الحق صدیقی، عطاالرحمن، جان محمد، منظور احمد، کامل علی آغا، ہدایت اللہ خان اتے سیکرٹری سینیٹ سید حسنین حیدر شرکت کیتی۔
