اشک آباد۔10اکتوبر(اے پی پی)صدر مملکت آصف علی زرداری 2 ݙینھ دے دورے تے ترکمانستان دے دارالحکومت اشک آباد پڄ گئن۔ اشک آباد ایئرپورٹ پڄݨ تے صدر مملکت دا استقبال ترکمانستان دے وزراء دی کابینہ دے ڈپٹی چیئرمین اتے ڈپٹی پرائم منسٹر باتر امانوو کیتے۔ صدر مملکت کوں پریتی روٹی اتے پھول ݙتے ڳن۔
صدر مملکت ترکمانستان دے قومی شاعر مخدوم گلی فراغی دی 300 ویں سالگرہ سانڳے تھیوݨ آلے بین الاقوامی فورم نال خطاب کریسن۔ او اپݨے دورے اچ ترکمانستان دی سینئر قیادت نال وی ملسن۔
