اسلام آباد – 16 آگسٽ (اي پي پي) اسان جي حڪومت تحريڪ پاڪستان جي هيروز ۽ انهن جي ڪوششن کي نمايان ڪرڻ جي لاءِ پرعزم آهي ته جيئن نوجوان نسل تائين تحريڪ پاڪستان ۽ جوڙجڪ پاڪستان جي حوالي سان حقيقتون بهتر طريقي سان سامهون اچي سگهن، ضرورت ان ڳالهه جي آهي ته اهل قلم ۽ دانشور تڪميل پاڪستان جي حوالي سان به پنهنجو ڪردار ادا ڪن ۽ نئين نسل کي پاڪستان جي لاءِ ڏنل قربانين جي ڏس ۾ استحڪام ۽ تڪميل پاڪستان جي راهه ڏيکارين. اهڙن خيالن جو اظهار وفاقي تعليم ۽ پيشيوراڻي تربيت جي پارلياماني سيڪريٽري وجيهه اڪرم اڪادمي اديبات پاڪستان جي اهتمام هيٺ جشن آزادي جي حوالي سان آن لائن ”هفت روز تقريبات جشن آزادي“ ۾ منعقد مذاڪري ”تحريڪ پاڪستان ۽ اردو شاعري“ ۾ ڪيو، هو ان تقريب جو خاص مهمان هئي، صدارت انور شعور ڪئي، امجد اسلام امجد اعزازي مهمان هو، اڪادمي اديبات پاڪستان جي چيئرمين ڊاڪٽر يوسف خشڪ شرڪت ڪندڙن جو ٿورو ادا ڪيو.
