راولپنڈی ۔7دسمبر(اے پی پی)پاک فوج دے سربراہ جنرل سید عاصم منیر بانی پاکستان قائداعظم محمد علی جناح دے مزار تے ڳن اتے خراج عقیدت پیش کیتے۔ آرمی چیف مزار تے پھلاں دی چادر چڑھائی اتے فاتحہ خوانی کیتی۔ آئی ایس پی آر آکھیے جو آرمی چیف کور ہیڈ کوارٹرز کراچی دا دورہ کیتے جتھاں انہاں کوں آپریشنل، سیکیورٹی اتے فارمیشن دے ٻعے معاملیاں جیویں سندھ خاص کر اندرون سندھ اڄوکے سیلاب اچ سول انتظامیہ دی مدد بارے بریفنگ ݙتی گئی۔ آرمی چیف آپریشنل تیاریاں اتے اڄوکے سیلاب اچ سندھ دے لوکاں دا ہتھ ونݙاوݨ کیتے فوری پڄݨ تے پاک فوج اتے رینجر دیاں وکششاں دی تعریف کیتی۔ آرمی چیف صوبے خصوصاً کراچی اچ سکیورٹی اتے محفوظ ماحول کوں برقرار رکھݨ کیتے فارمیشن، متعلقہ اداریاں اتے قانون نافذ کرݨ آلے اداریاں دی تعریف کیتی۔ ایں توں پہلے کراچی پڄݨ تے کور کمانڈر کراچی لیفٹیننٹ جنرل محمد سعید آرمی چیف دا استقبال کیتے۔
