لاہور۔12جون (اے پی پی) وزیراعظم دی معاون خصوصی برائے امور نوجوانان شزہ فاطمہ خواجہ آکھیا جو پورے ملک اچ پرائم منسٹر سپورٹس ہنٹ پروگرام شروع کریندے پیوں۔ او سنوار کوں لاہورکالج فار ویمن یونیورسٹی اچ ہک پریس کانفرنس توں خطاب کریندی پی ہن۔ انہاں آکھیا جو ملک اچ پرائم منسٹر سپورٹس ہنٹ فٹبال شروع کرݨ دا مقصد نینگراں اچ صحت مند تے مثبت سرگرمیاں ودھاوݨ اے۔ انہاں آکھیا جو ہک سال اچ ہاکی، والی بال اچ نینگراں حصہ ڳھدے۔ ݙو ہفتیاں اچ کے پی ،پنجاب ،اسلام آباد، کراچی اچ ٹرائل تھیسن۔ عید دے بعد پراونشل لیگ شروع تھیسی جئیں دے بعد فائنل اسلام آباد اچ کرایا ویسی۔ سارے سپورٹس نال جڑیے لوکاں دی نوکریاں بحال تھیسن جئیں کوں پہلے ختم کر ݙتا ڳیا ہئی۔ انہاں آکھیا جو صوبائی کھیڈاں کیتے 20 توں 30 لکھ روپے تئیں دے انعامات کھڈیاں کوں ݙتے ویسن۔ انہاں آکھیا جو پہلے ٹرائل لاہور اچ شروع تھیسن۔ ایں موقع تے صوبائی وزیر سپورٹس وہاب ریاض آکھیا جو نینگراں کیتے کھیڈاں دی سرگرمیاں شروع کرݨ تے اڄوکی حکومت کوں مبارخ ݙینداں۔ بعد اچ معاون خصوصی برائے وزیراعظم شزہ فاطمہ خواجہ لاہور کالج یونیورسٹی گرائونڈ اچ پرائم منسٹر اسپورٹس ہنٹ دا وی افتتاح کیتا۔ ایں موقع تے مسلم لیگ (ن) دے سینئر رہنما رانا مشہود احمد خان ،نگران صوبائی وزیر کھیݙ وہاب ریاض ، یونیورسٹی انتظامیہ سودھے ٻے موجود ہن۔
