اسلام آباد۔22جنوری (اے پی پی):چیف الیکشن کمشنر سکندر سلطان راجہ عام انتخابات دی تیاریاں دی نگرانی سانڳے نگران وزیراعظم دی بݨائی ڳئی کمیٹی کوں ہدایت کیتی اے جو او چارے صوبیں دا دارہ کرتے نگران صوبائی حکومتاں اتے انتظامی افسراں نال انتخابات دی تیاریوں دا جائزہ گھنن تے کمیشن کوں ݙساون ۔ عام انتخابات 2024ء دی تیاریاں دی نگرانی سانڳے وزیر اعظم دی بݨائی ڳئی کمیٹی دے کنوینئر نگران وفاقی وزیر مواصلات، میری ٹائم افیئرز اتے ریلوے شاہد اشرف تارڑ چیف الیکشن کمشنرسکندر سلطان راجہ نال الیکشن کمیشن سیکرٹیریٹ اچ ملاقات کیتی۔ملاقات اچ نگران وفاقی وزیر چیف الیکشن کمشنر کوں وفاقی اتے صوبائی حکومتاں دی عام انتخابات دیاں تیاریاں دا تفصیلی طورتے ݙسایا ۔ نگران وفاقی وزیرݙسایا وزیر اعظم دی بݨائی ڳئی ایں کمیٹی دا بنیادی مقصد عام انتخابات 2024ء دی سکیورٹی دی نگرانی اتے انتخابات دے پرامن انعقاد سانڳے جملہ انتظامات تے رابطے اچ آندی اوکھ کوں مکاوݨ سانڳے ایں توں انڄ امن و امان برقرار رکھݨ سانڳے اضافی سکیورٹی دی وختی لوڑھ دے پیش نظر ضروری ہدایات ݙیوݨ تے عام انتخابات دے شفاف اتے منظم انعقاد سانڳے الیکشن کمیشن آف پاکستان دی ہدایات تے عملدرآمد کراوݨاں اے ۔
