اسلام آباد – 09 – اپريل (اي پي پي) اطلاعات ۽ نشريات واري مملڪتي وزير فرخ حبيب چيو آهي ته پرڏيهي وزير شاهه محمود قريشي قومي اسيمبلي جي ان ڪئميره اجلاس گهرائڻ ۽ آمريڪا ۾ مقرر پاڪستان جي سفير کي گهرائڻ جي آڇ ڪري ڇڏي آهي، شهباز، زرداري، فضل الرحمان هاڻي ڀڄن نه ان تجويز کي قبول ڪن. فرخ حبيب پنهنجي هڪ ٽوئيٽ ۾ چيو ته ميڊيا تي آواز خاموش ڪرايا پيا وڃن. هن چيو ته توهان آواز بند ڪري سگهو ٿا سوچ ۽ جذبن تي پابندي نه ٿا لڳائي سگهو. فرخ حبيب چيو ته غلامي قبول نه ڪنداسين.
