لاہور۔16دسمبر (اے پی پی) صدر مملکت ڈاکٹر عارف علوی آکھیا جو تاجر برادری کوں سوکھا، سستا اتے فوری انصاف ݙیوݨ اچ وفاقی انشورنس محتسب دا کردار تعریف دے قابل اے۔ انہاں کوں چاہیدے جو او آپݨے فیصلیاں تے تکھے عمل کراون تانجو سائیلین کوں ایندا براہ راست فیدہ تھیوے۔ قانونی چارہ گوئی دی بجائے ثالثی نال تنازعیاں دے حض دے مثبت نتیجے ملݨ شروع چنڳی ڳالھ اے۔ انشورنس کمپنیاں دے مالکاں وی عوام کیتے بہتر پراڈکٹس پیش کرن تانجو لوکاں دا اعتماد ودھے۔ اے ڳالھیں انہاں چھݨ چھݨ کوں گورنر ہاؤس لاہور اچ ”کاروبار دے استحکام اچ انشورنس محتسب دا کردار” دے موضوع تے تھیوݨ آلے سیمنار توں خطاب کریندیں ہوئیں آکھی۔ ایں موقع تے وفاقی انشورنس محتسب ڈاکٹر خاور جمیل، ایف پی سی سی آئی دی نائب صدر رفعت ملک، ڈاکٹر آصف محمود جاہ سمیت کاروباری لوکاں دی وݙی تعداد موجود ہئی۔ سیمینار توں خطاب کریندیں ہوئیں صدر مملکت ڈاکٹر عارف علوی آکھیا جو انسانی ہمدردی بارے محتسب دا کردار ٻہوں اہمیت رکھیندے۔ انشورنس دا کم آوݨ آلی نسلاں کوں اعتماد سازی کیتے لیول پلیئنگ فیلڈ ݙیوݨ اے۔
