ويلنگٽن_21 سيپٽمبر(اي پي پي) نيوزيلينڊ ۾ 6.0 جي شدت جي زلزلي جا لوڏا محسوس ڪيا ويا آهن جڏهن ته ڪنهن به وڏي نقصان جا اطلاع نه مليا آهن، برطانوي ميڊيا موجب نيوزيلينڊ ۾ زلزلي جي ماپ ڪندر اداري جيونيٽ ٻڌايو ته اربع تي صبح جو نيوزيلينڊ جي ٻيٽ جي مرڪز ۾ جيرالڊائن ويجهو 07 ميل جي گهرائي ۾ آيل زلزلي جي شدت 6.0 ريڪاڊ ڪئي وئي،.واضع رهي ته نيوزيلينڊ ۾ 2011 ۾ 6.3 جي شدت جو زلزلو آيو هو جنهن ۾ 185 ماڻهو فوت ٿيا هئا، شروعاتي اطلاعن موجب زلزلي کان پوءِ ڪنهن به قسم جي جاني يا مالي نقصان جا اطلاع نه مليا آهن.
