اسلام آباد – 30 – آڪٽوبر (اي پي پي) وزيراعظم عمران خان گذريل مالي سال جي انهي مدي جي ڀيٽ ۾ هلندڙ سال 37 سيڪڙو وڌيڪ ٽيڪس اوڳاڙيون گڏ ڪرڻ تي ايف بي آر کي مبارڪباد ڏني آهي. پنهنجي ٽوئيٽ ۾ وزيراعظم چيو ته جولاءِ کان آڪٽوبر دوران ٽيڪس اوڳاڙيون 1840 ارب رپيا رهيون جيڪي گذريل مالي سال جي انهي عرصي جي ڀيٽ ۾ 37 سيڪڙو وڌيڪ آهن جنهن تي ايف بي آر کي مبارڪباد ڏيون ٿا. آڪٽوبر ۾ ٽيڪس جي طئي ٿيل هدف کان وڌي ويو. هن چيو ته اهو سڀ مضبوط معاشي ڪارڪردگي جي ڪري ممڪن ٿيو. هن چيو ته پروپئگنڊه جي باوجود انڪم ٽيڪس ۾ 32 سيڪڙو اضافو ٿيو.
