اسلام آباد – 16 – مارچ (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته جاويد لطيف جي بي اعتمادي رٿ ڪامياب بڻائڻ لاءِ مسلم ليگ (ن) پاران هارس ٽريڊنگ ڪرڻ جي سري عام اعتراف ڪرڻ کانپوءِ، اصولي طور تي اليڪشن ڪميشن کي مسلم ليگ (ن) کي نوٽيس جاري ڪرڻ گهرجي ۽ وضاحت طلب ڪرڻ گهرجي. وفاقي وزير چوڌري فواد حسين پنهنجي ٽوئيٽ ۾ چيو ته اليڪشن ڪميشن کي (ن) ليگ جي نظر لڳي وئي آهي ۽ کيس صرف تحريڪ انصاف نظر اچي رهي آهي.
