اسلام آباد۔18جون (اے پی پی):پاکستان افغانستان دے دارالحکومت کابل اچ گردوارہ تے دہشت گردانہ حملے دی شدید مذمت کریندے ہوئیں آکھیے جو پاکستان کوں افغانستان اچ عبادت گاہواں تے اڄوکے حملیں دے سلسلے تے تشویش اے، مذہبی جہیں کوں نشانہ بݨاوݨ آلیاں اے کاروائیاں نفرت انگیز ہن ۔ہفتے کوں دفتر خارجہ توں جاری بیان موجب پاکستان کابل اچ سکھاں دے گوردوارے تے تھیوݨ آلے دہشت گردانہ حملے دی شدید مذمت کریندے جیں دے نتیجے اچ قیمتی انسانی جاناں ضائع تھئن تے ٻہوں سارے لوک زخمی وی تھئن جݙاں جو املاک کوں ضیان پڄے ۔ترجمان دفتر خارجہ آکھیے جو پاکستان کوں افغانستان اچ عبادت گاہواں تے دہشت گردانہ حملیں دے اڄوکے سلسلے تے شدید تشویش اے۔گزریل ݙینھ دہشت گرداں قندوز اچ امام صاحب مسیت کوں نشانہ بݨایا،جیں اچ ٻہوں سارے نمازی شہید تے زخمی تھئے ، مذہبی جاہواں کوں نشانہ بݨاوݨ آلی دہشت گردی دیاں اے کارروائیاں سراسر نفرت انگیز ہن ۔پاکستان ہر قسم دی دہشت گردی دی مذمت دا اعادہ کریندے ۔
