اسلام آباد۔6اکتوبر (اے پی پی) یورپی پارلیمنٹ اچ پاکستان دے تباہ کن سیلاب دے بعد پیدا تھیوݨ آلی انسانی صورتحال دے حوالے نال مباحثے دا انعقاد کیتا ڳئے ۔مباحثے دا مقصد پاکستان دی صورتحال تے یورپی یونین دے ردعمل اتے موسمیاتی بحران دے شدید اثرات کوں گھٹ کرݨ دے طریقے تے ڳالھ مہاڑ کرݨ ہئی ۔ یورپی یونین، بیلجیئم اتے لکسمبرگ اچ پاکستان دے سفیر ڈاکٹر اسد مجید خان بحث اچ خصوصی شرکت کیتی۔ مباحثے دا آغاز جمہوریہ چیک دے یورپی امور دے وزیر میکولاس بیک کیتا ، جیں توں بعد یورپی کمشنر زراعت جانوس ووجیچوسکی خطاب کیتا۔ مختلف سیاسی گروپاں توں تعلق رکھݨ آلے یورپی پارلیمنٹ دے ارکان بحث اچ حصہ ڳھدا ۔ پاکستانی عوام نال یکجہتی دا اظہار کریندے ہوئیں تباہی دے پیش نظر پاکستان کیتے امداد اتے حمایت اچ ودھارے دی ضرورت تے زور ݙتا۔
