قلعہ سیف اللہ۔1اگست (اے پی پی) وزیراعظم شہبازشریف ہدایت کیتی جو این ڈی ایم اے اتے پی ڈی ایم اے بارشاں نال تھیوݨ آلے نقصان دا تخمینہ لاوݨ کیتے رَل تے سروے کرن، متاثرین کوں رہائش، خوراک اتے علاج دی سہولتاں ݙتی ونجن۔ اے ڳالھیں انہاں خشنوب خیمہ وستی دے دورے دے موقع تے آکھی۔ ایں موقع تے وزیراعلیٰ بلوچستان عبدالقدوس بزنجو ، وفاقی وزیرہائوسنگ مولانا عبدالواسع، وفاقی وزیر اطلاعات تے نشریات مریم اورنگزیب ، وفاقی وزیر انسداد منشیات شاہ زین بگٹی، وفاقی وزیر دفاعی پیداوار اسرار ترین ، وزیر مملکت برائے توانائی محمدہاشم نوتیزئی اتے رکن قومی اسمبلی صلاحی الدین ایوبی وی انہاں دے نال ہن۔ وزیراعظم کوں این ڈی ایم اے اتے پی ڈی ایم دے حکام طوفانی بارشاں اتے سیلاب پاروں فصلاں، باغ، سڑکاں اتے چھوٹے ڈیماں کوں تھیوݨ آلے نقصان، ریسکیو، اتے امدادی کماں بارے بریفنگ ݙتی۔
