اسلام آباد۔24نومبر (اے پی پی) وزیرِ اعظم محمد شہباز شریف دی صدارت وفاقی کابینہ دا اجلاس تھیا۔ خمیس کوں وزیراعظم آفس دے میڈیاونگ توں جاری بیان موجب کابینہ اجلاس دے شروع اچ وزیرِ اعظم شہباز شریف سارے وفاقی وزرا دا اپݨی علالت وچال تیماداری کیتی اتے صحت یابے کیتے دعائیں تے شکریہ ادا کیتا۔ وزیراعظم وفاقی وزیرِ خزانہ، وزیرِ تخفیفِ غربت تے سماجی تحفظ، چیئرمین بینظیر انکم سپورٹ پروگرام، وزیرِ موسمیاتی تبدیلی، وزیرِ مواصلات، وزیر توانائی ، این ڈی ایم اے اتے سارے متعلقہ اداریاں کوں چھل دے علاقیاں اچ متاثرین دے ریلیف تے بحالی دے کماں تے خراج تحسین پیش کیتا۔ وزیرِ اعظم مصر دے شہر شرم الشیخ اچ پاکستان اچ موسمیاتی تبدیلی پاروں آوݨ آلے چھل اچ ضیان کوں بین الاقوامی فورم COP-27 اچ کامیابی نال چاوݨ تے وزیرِ خارجہ بلاول بھٹو زرداری، وزیرِ اطلاعات مریم اورنگزیب اتے وزیرِ موسمیاتی تبدیلی شیری رحمن دی کوششاں دی خصوصی طور تعریف کیتی۔ ، وزیر اعظم کوپ۔27 اچ لاس اینڈ ڈیمیجز فنڈ دے قیام کوں پاکستانی دی وݙی فتح قرار ݙتے۔کابینہ وزیرِ اعظم دے سیکرٹری سید توقیر شاہ دی اماں دے انتقال تے مغفرت دی دعا کیتی۔ ایندے علاوہ کابینہ قانون نافذ کرݨ آلے اداریاں دے اڄوکے واقعات اچ شہید تھیوݨ آلے اہلکاراں دی مغفرت کیتے وی دعا کیتی۔
