اسلام آباد – 05 مارچ (اي پي پي) صدر ڊاڪٽر عارف علوي چيو آهي ته ڀارت ۾ مسلمانن جي قتل عام تي امام علي خامنه اي جي رد عمل کي ساراهيون ٿا ۽ اسان اتفاق ڪريون ٿا ته ان خطرناڪ مسئلي تي متحد موقف جي ضرورت آهي، پنهنجي ٽوئيٽ ۾ صدر ڊاڪٽر عارف علوي چيو ته نازي شدت پسندي ۽ ميانمار جي تاريخ کي ڏسندي اهو چئي سگهجي ٿو ته ڀارت مسلمانن جي نسل ڪشي طرف وڌي رهيو آهي، اسان کي گڏجي دنيا کي اها هڪجهڙائي نظر انداز نه ڪرڻ ڏينداسين.
