اسلام آباد۔27جنوری (اے پی پی):وفاقی وزیر سائنس و ٹیکنالوجی سینیٹر شبلی فراز آکھیے جو وزیراعظم عمران خان نظام انصاف اچ اصلاحات دا اجرا کریندے ہوئیں ھک ٻیان وعدہ پورا کرݙتے ۔ خمیس کوں آپݨے ھک ٹویٹ اچ انہاں آکھیے جو وزیراعظم عمران خان قانونی اصلاحاتی پیکج دا اجرا کریندے ہوئیں فوجداری نظام انصاف اچ تبدیلی دا آغاز کیتے ۔ انہاں آکھیے جو ایں تے عملدرآمد دے نتیجے اچ قانون دی حکمرانی دے حوالے نال پاکستان دی پوزیشن 140 توں انہاں سر فہرست ملکاں اچ آویسی جتھاں قانون دی حکمرانی ہوندی اے ۔ انہاں آکھیے جو ایں حوالے نال وفاقی وزیر قانون و انصاف بیرسٹر ڈاکٹر فروغ نسیم ودھ ساری محنت کیتی اے ۔
