اسلام آباد۔1فروری(اے پی پی) وزیراعظم محمد شہباز شریف آکھیے دہشت گردی دا ناسور ول سر چیندا پئے ایںدے سدباب کیتے فی الفور مناسب اقدامات درکار ہن، خیبرپختونخوا دےعوام دی قربانیاں ہمیشہ یاد رکھیاں ویسن ،خیبرپختونخوا اچ 10 سال تحریک انصاف دی حکومت رہی لیکن انہاں خیبرپختونخوا دے عوام کوں دہشت گرداں دے رحم وکرم تے چھوڑ ݙتا ۔ ٻدھ کوں کابینہ اجلاس اچ پالیسی بیان ݙیندے ہوئیں وزیراعظم آکھیے خیبرپختونخوا دے عوام دہشت گردی دے خلاف بے مثال قربانیاں ݙتن جنہاں کوں الفاظ اچ بیان نی کرسڳدے ، تاریخ ہمیشہ انہاں ماواں تے انہاں دے پتراں کوں یاد رکھیسی ، 2010 اچ وفاق تے صوبیں دے درمیان وسائل دی ونڈ توں پہلے دا کل وسائل دا ھک فیصد خیبرپختونخوا کوں ݙتا ڳیا ،اے اڄ تئیں ݙتا ویندا پئے جیڑھا جو 417 ارب روپے ہݨ تئیں بݨدن ، اے این ایف س?? ایوارڈ دے علاوہ صوبے کوں ݙتے ڳئن ، اے انہاں دا حق ہئی تے جغرافیائی ??ور??حال اتے انہاں دیاں قربانیاں ہن تاں جو صوبے اچ دہشت گردی دے خلاف فورسزدی استعداد کار اچ ودھارا کیتا ونڄ سڳ?? تے انہاں کوں جدید آلات نال آراستہ کیتا ونڄ سڳ?? ۔ وزیراعظم آکھیے خدا جاݨے اے وݙی رقم کتھاں خرچ تھئی ، 10 سال پی ٹی آئی دی حکومت رہی ، کہیں ٻئے صوبے کوں ایں طرح اضافی رقم نی ملی ، ایندا حساب گھنݨ ساݙا حق اے ، صوبہ خیبرپختونخوا کوں 40 ارب روپے سالانہ ملدے رہیے ، اساں الزام تراشی نی بلکہ حقائق دی بنیاد تے ڳالھ کریندے پیوں ۔ انہاں آکھیے سارے صوبیں این ایف س?? ایوارڈ اچ خوشدلی نال اے ھک فیصد خیبرپختونخوا کوں ݙیوݨ اچ رضامندی ظاہر کیتی لیکن اتھاں پولیس کنے کوئی جدید اسلحہ کائنی ، آلات کائنی، انہاں دی تربیت نی تھئی ، استعداد نی ودھی ، نیکٹا بݨیا ، سی آئی ڈی بݨائی ڳئی ، ایں سارے کجھ دے باوجود آے آکھݨ جو صوبے کنے فنڈز کائناں ہن اے حقائق کوں مسخ کرݨ دے مترادف اے ۔ انہاں آکھیے خیبرپختونخوا دے سیاسی گھراݨیں اچ بلور خاندان سودھے کئی اہم ش??صیات شامل ہن ، انہاں آپݨی جاناں دانذرانہ ݙتے ، پاکستان دی سابق وزیراعظم بے نظیر بھٹو قربانی ݙتی، سول لائن مسیت اچ پولیس افسران ، انہاں دے ٻالاں سودھے اہلکار شہید تھئے ۔ساݙے نینگراں جیویں شجاعت اتے بہادری دی مثال قائم کیتی ہئی پوری دنیا اچ ایندی مثال نی ملدی ۔ انہاں آکھیے جے اساں فوری طور تے مناسب اقدامات نہ کیتے تاں اے ناسور ول کھنڈ ویسی ، اساں ایں تے ضرور اجتماعی بصیرت اتے کاوشاں نال کنٹرول کریسوں ۔ انہاں آکھیے سوال اے پیدا تھیندے جو دہشت گرداں کوں واپس کون گھن آئے؟۔ پوری قوم اشکبار اے اتے پچھدی پئی اے جو ول دہشت گردی کیوں سرچاتے ؟۔ایں حساسیت توں کابینہ دے ارکان خبردار کریندے رہیے ، اے ساݙے کیتے لمحہ فکریہ اے ایندی تحقیقات کرݨیاں ہوسن ، اے کیں دا بیانیہ ہئی جو انہاں کوں مرکزی دہارے اچ گھن آوݨ توں اے ملک دی ترقی اتے خوشحالی اچ آپݨا کردار ادا کریسوں ، قوم ایندا جواب منگدی پئی اے ۔ انہاں آکھیے کابینہ دے اجلاس دا ایجنڈا ایہو اے ، کابینہ دے ارکان ایں تے غور کرن ۔
.jpg)
