اسلام آباد۔6جون (اے پی پی) وفاقی وزیر برائے ماحولیاتی تبدیلی، سینیٹر شیری رحمان آکھیا جو وفاقی حکومت سنگل یوز پلاسٹک دی شئیں اتے پلاسٹک دی بوتلاں کرں مرحلہ وار ختم کرݨ کیتے نویں ضوابط منظور کریندی پی اے، یکم اگست 2023ء توں ہک واری استعمال تھیوݨ آلی پلاسٹک دی پلیٹاں، پیالے، کوپ دا خاتمہ شروع تھی ویسی۔ اے ڳالھیں انہاں علامہ اقبال اوپن یونیورسٹی اچ عالمی یوم ماحولیات بارے “ماحولیاتی انحطاط کے لئے پلاسٹک اور قابل تجدید حل کا دوبارہ تصور” دے عنوان نال تھیوݨ آلی فضائی آلودگی تے اعلیٰ سطحی پالیسی مکالمہ دے افتتاحی سیشن توں آن لائن خطاب کریندیں ہوئیں آکھی۔ ایں موقع تے خطاب کریندیں ہوئیں وزیر اعظم دی معاون خصوصی اتے سربراہ پارلیمانی ٹاسک برائے عالمی ترقیاتی اہداف، رومینہ خورشید عالم آکھیا جو پلاسٹک فری معاشرے کیتے سانجھے اقدامات دی لوڑھ اے۔ ایں مکالمے دا اہتمام ایس ڈی پی آئی(پالیسی ادارہ برائے پائیدار ترقی) علامہ اقبال اوپن یونیورسٹی، پارلیمانی ٹاسک برائے عالمی ترقیاتی اہداف، نیشنل ڈیزاسٹر رسک مینجمنٹ فنڈ، اقوام متحدہ دے ماحولیاتی پروگرام دے تعاون نال کیتا ہئی۔
