اسلام آباد۔28جولائی(اے پی پی) وزیراعظم محمد شہباز شریف ہیپاٹائ??س سی مکاوݨ دی ملک گیر مہم شروع کرݨ دا اعلان کریندے آکھیے ہیپاٹائٹس روکݨ ، تشخیص اتےعلاج سانڳے وختی کم کرݨ دی لوڑھ اے ، حکومت ہیپاٹائٹس دی وجہ توں پیش آندے چیلنج تے قابو پاوݨ سانڳے پرعزم اے ، ہیپاٹائ??س سی مکاوݨ دے پروگرام دے تحت پاکستان دے ہر شہری کوں ہیپاٹائ??س سی کیتے اسکریننگ تے علاج دیاں سہولتاں مفت ملسن اساکوں اے بیماری مکاوݨ سانڳے اتے ساریں کیتے صحت مند مستقبل یقینی بݨاوݨ سانڳے رل تے کم کرݨ دی لوڑھ اے ۔وزیراعظم آفس دے میڈیا ونگ توں جاری پریس ریلیز موجب ہیپاٹائٹس توں آگاہی دے جڳ ݙیھاڑ تے آپݨے سنھیے اچ وزیراعظم شہباز شریف آکھیے اڄوکے سال ہیپاٹائٹس دے جڳ ݙیھاڑ دا موضوع’’ اے عمل دا ویلھا اے ‘‘اساکوں یاد ݙویندے جو اساکوں ہیپاٹائٹس روکݨ ، تشخیص اتے علاج سانڳے وختی کم کرݨ دی لوڑھ اے اساں ہیپاٹائٹس مکاوݨ دے سانڳے اقدامات اچ دیر نی کر سڳدےاساکوں اے بیماری مکاوݨ تے ساریں کیتے صحت مند مستقبل کوں یقینی بݨاوݨ سانڳے رل تے کم کرݨ دی لوڑھ اے ۔ وزیراعظم آکھیے ہیپاٹائٹس ھک خاموش وبا ??ے جیڑھی دنیا اچ لکھاں لوکاں کوں متاثر کریندی ??ے جیں توں جگر اچ سوزش تھیندی ??ے جے وختی علاج نہ کیتا ونڄے تاں ممکنہ طور تے شدید اوکھ تھی سڳدی اے ، پاکستان اچ ھک ٻہوں وݙی آبادی ہیپاٹائ??س سی انفیکشن توں متاثر اے، عالمی س??ح تے60 ملین ہیپاٹائ??س سی کیسز اچوں 10 ملین متاثرہ کیسز پاکستان اچ ہن ۔ ݙر ??ے جے وائرل ہیپاٹائٹس روکݨ سانڳے ضروری اقدامات نہ کیتے ڳئے تساں اساں جگر دے کینسر دی وبا وی ݙیکھ سڳدوں ۔ وزیر اعظم آکھیے بحیثیت قوم، اساں آگاہی مہم ، ویکسی نیشن پروگراماں،جانچ اتے علاج تئیں چنڳی رسائی دے ذریعے وائرل ہیپاٹائٹس نال نبݨݨ اچ اہم پیشرفت کیتی اے حالی ٻہوں کم باقی اے، اساکوں ہیپاٹائٹس روکݨ کوں ترجیح ݙیوݨی چاہیدی اے وختی تشخیص یقینی بݨاوݨ تے ساریں کیتے سستا اتے قابل رسائی علاج ݙیوݨ اے۔وزیراعظم آکھیے بطور وزیر اعلیٰ پنجاب میݙے دور اچ پاکستان کڈنی اینڈ لیور ٹرانسپلانٹ انسٹی ٹیوٹ بݨایا ڳیا جیڑھا ھک سنگ میل اے ۔ پنجاب دے سارے 36 ضلعیں اچ ہیپاٹائٹس دے حوالے نال ??دی?? فلٹر کلینکس نال گردے تے جگر دے مریضاں کوں ??دی?? ترین طبی سہولتاں ݙتیاں ڳئن۔ وزیر اعظم آکھیے حکومت ہیپاٹائٹس پاروں پیش آندے چیلنج تے قابو پاوݨ کیتے پرعزم اے ایں حوالے نال میکوں ھک ملک گیر مہم جیں دا مقصد ہیپاٹائ??س سی کوں مکاوݨ اے دا اعلان کریندے خوشی تھیندی پئی اے ۔ ساݙی توجہ جانچ تے علاج دے مرکز دی بہتری تے ہوسی اے ڳالھ یقینی بݨائی ویسی جو ݙتی ونڄݨ آلی خدمات ساݙے شہریاں دی لوڑھ موجب ہوون ۔وزیر اعظم آکھیے میں یقین ݙوینداں جو پاکستان دے ہر شہری کوں ہیپاٹائ??س سی س??نڳے سکریننگ تے علاج دیاں سہولتاں تئیں مفت رسائی ہوسی ایں اقدام دا بنیادی مقصد ایچ سی وی توں متاثرہ لوکاں دی صحت اتے بہبود چنڳی بݨاوݨ اے ایندے نال نال ایندے ضیان کوں گھٹ کرݨا اے، جگر دے کینسر اتے ایں بیماری توں پہلے موت دے ݙر کوں گھٹ کرݨا اے ۔ وزیراعظم آکھیے آؤ ہیپاٹائٹس دے ایں جڳ ݙیھاڑ تے اساں ہیپاٹائٹس دے حوالے نال آگاہی، وائرل ہیپاٹائٹس توں متاثرہ لوکاں دی مدد تے ایں بیماری دے ٻوجھ توں آزاد مستقبل سانڳے کم کرݨ دی آپݨی کوششاں اچ ھک تھی ونڄوں اساں رل تے ھک صحت مند اتے زیادہ خوشحال قوم بݨ سڳدوں۔
.jpg)
