اسلام آباد – 10 آڪٽوبر (اي پي پي) وزيراعظم عمران خان چيو آهي ته سمنڊ پار پاڪستاني ۽ ٻاهرئين ملڪ پورهيت اسان جو سڀ کان قيمتي اثاثو آهن، پورهيتن جي ڀلائي حڪومت جي اولين ترجيح آهي، مٽاسٽا جي ناڻي ۾ اضافي جي لاءِ ٻاهرئين ملڪ پاڪستانين کي سموريون سهولتون ڏنيون وڃن ته جيئن ملڪ جي معيشت مستحڪم ٿي سگهي. اهڙن خيالن جو اظهار هن سمنڊ پار پاڪستانيز ۽ هيومن ريسورسز ڊولپمينٽ واري وزارت جي بريفنگ دوران ڪيو. سمنڊ پار پاڪستانيز ۽ هيومن ريسورسز ڊولپمينٽ ڊويزن جي سيڪريٽري وزيراعظم کي وزارت ۽ ان جي ذيلي ادارن جي ڪارڪردگي بابت تفصيلي بريفنگ ڏني.
