اسلام آباد۔7جولائی (اے پی پی):وفاقی وزیر اطلاعات و نشریات مریم اورنگزیب آکھیے جو وزیراعظم شہباز شریف بھارہ کہو توں پمز (گرین لائن) اتے کورال توں پمز (بلیو لائن) تئیں پہلی اسلام آباد بس سروس دا افتتاح کر ݙتے جتھاں ساری گرین لائن اتے بلیو لائن سروس (پنڈی اسلام آباد میٹرو) ریڈ لائن اچ ضم تھی ویسی ، ھک ٹویٹ اچ انہاں آکھیے جو فیض احمد فیض سٹاپ توں مسافر اورنج لائن توں ائیرپورٹ تئیں سفر کر سڳدن ۔ انہاں آکھیے جو وزیراعظم شہباز شریف پاکستان اچ ماس ٹرانزٹ منصوبیں دے علمبردار ہن جنہاں لاہور میٹرو، لاہور سپیڈو بس سروس، اورنج ٹرین، ملتان میٹرو، راولپنڈی اسلام آباد میٹرو، اسلام آباد ریڈ لائن، بلیو لائن بس سروس، گرین لائن بس سروس تے اورنج لائن دا آغاز کیتے۔
