اسلام آباد۔19اکتوبر(اے پی پی):وزیراعظم محمد شہباز شریف آکھیے جو اساں ماحولیاتی تبدیلیاں نال آوݨ آلی تباہی دے خلاف حالت جنگ اچ ہیسے، سیلاب دے بعد بحالی منصؤبیاں کیتے ارباں روپے قرض دی لوڑھ پوسی۔ وزیراعظم آفس ولوں وزیراعظم دے سیلاب متاثرہ علاقیاں اچ کھڑے پاݨی دی تصویر نال ٹویٹ اچ آکھیے جو وزیراعظم محمد شہباز شریف فنانشل ٹائمز کوں انٹرویو اچ آکھیے جو ساݙے مطالبات اتے ملݨ آلی امداد اچ ٻہوں فرق اے، ساکوں ماحولیاتی تبدیلیاں پاروں تباہی دے اثرات نال نمٹݨ کیتے ودھ حمایت دی لوڑھ اے، اللہ نا کرے جو کوئی ٻیا ملک ساݙے آلی کار ایویں اوکھا تھیوے۔
