اسلام آباد۔16مارچ (اے پی پی) وفاقی وزیرخزانہ سینیٹر محمد اسحاق ڈار آکھیا جو چین توں ٻے پنڄاہ کروڑ ڈالر ڳھنݨ کیتے دستاویزی کاروائی پوری کر ڳھدی اے۔ خمیس کوں اپݨے ٹویٹ اچ انہاں آکھیا جو چین ولوں پنڄاہ کروڑ ڈالر جلدی سٹیٹ بینک آف پاکستان کوں جاری تھی ویسن۔ اسحاق ڈار آکھیا جو چینی بینک پاکستان کیتے 1.3 ارب ڈالر دے رول اوور دی منظوری ݙتی ہئی۔ پاکستان اڄوکے ای اے رقم چینی بینک کوں واپسی کیتی ہئی۔ ایں قسط نال زرمبادلہ دے ذخائر ودھسن۔
