اسلام آباد۔1مارچ (اے پی پی):وزیراعظم عمران خان نال وزیراعلیٰ پنجاب سردار عثمان بزدار ملاقات کیتی ۔وزیراعظم آفس دے میڈیا ونگ توں جاری بیان موجب ملاقات اچ چیف سیکرٹری پنجاب کامران علی افضل اتے آئی جی پنجاب راؤ سردار علی خان وی شریک تھئن۔ ملاقات اچ صوبہ پنجاب دی انتظامی اتے امن و امان دی مجموعی صورت حال متعلق امور تے ڳالھ مہاڑ کیتی ، وزیر اعظم کوں صوبے دے اندر جاری مختلف ترقیاتی منصوبیں دی پیشرفت تے وی بریفنگ ݙتی ڳئی ۔وزیراعظم صوبے اچ عام آدمی کوں وختی تے موثر خدمات دی فراہمی کوں یقینی بݨاوݨ کیتے بھرپوراقدامات کرݨ دی ہدایت کیتی ، انہاں عوام دے جان و مال تے مفادات دے تحفظ کیتے شرپسنداں، ذخیرہ اندوزاں، اتے قبضہ مافیا دے خلاف موثر اقدامات کرݨ دی وی ہدایت کیتی ۔
