اسلام آباد۔20جنوری(اے پی پی)وفاقی وزیر ریلوے خواجہ سعد رفیق ٹرین ٹریک تے دھماکہ کوں دہشت گرداں دی بزدلی قرار ݙیندے واقعے دی مذمت کیتی اے۔ میڈیا نال الیندے انہاں آکھیا جو دہشتگردی دے واقعے توں بعد ریسکیو و ریلیف آپریشن دی آپ نگرانی کریندا پیاں، لاہور توں 3 اعلیٰ افسران دی ٹیم حادثے دی ڄاہ تے ٻھیڄی اے، مسافراں کوں سوکھ ݙتا ویسی اتے زخمیاں دا چنڳاں علاج معالجہ تھیندا پئے۔ ایں توں پہلے پنیر سٹیشن دے نیڑے ریل دی پٹری تے دھماکا کیتا ڳئے جیندے اچ 6 ٻوڳیاں پٹری توں لتھن اتے ݙو مسافر زخمی تھین۔
