اسلام آباد۔11جولائی (اے پی پی) وزیراعظم محمد شہبازشریف آکھیا جو خلیجی ملکاں توں زرعی شعبے اچ ارباں ڈالر دی سرمایہ کاری ڳھن آوݨ کیتے اقدامات کر ڳھدے ڳن۔ خلیجی ملکاں توں زرعی شعبے اچ اگلے چار توں پنج سال اچ 40 ارب ڈالر دی سرمایہ کاری دے نال نال 40 لکھ نویں ملازمتاں پیدا تھیسن۔ قرضیاں توں جان چھڑا تے مضبوط معیشت دی تعمیر کریسن۔ منگل کوں اپݨے ٹویٹ اچ وزیراعظم آکھیا جو زراعت اتے فوڈ سکیورٹی دے قومی سیمینار اچ میں ݙوجھے سبز انقلاب دی بنیاد دے طور زراعت دے شعبے اچ بہتری ڳھن آوݨ تے زور ݙتے۔ اساں وݙے دعوے اتے پرکشش وژنز بارے سݨیے پر محنت دے بغیر، استقامت اتے تندہی دے بغیر اے بے سود رہین۔ حکومت دا عزم اسپیشل انویسٹمنٹ فیسیلی ٹیشن کونسل (ایس آئی ایف سی) دے تحت خلیجی ممالک توں پاکستان دے زرعی شعبے اچ ارباں ڈالر دی سرمایہ کاری ڳھن آوݨ کیتے اقدامات کر ڳھدے ڳن۔ خلیجی ملکاں توں زرعی شعبے اچ اگلے چار توں پنج سال اچ 40 ارب ڈالر دی سرمایہ کاری دے نال نال 40 لکھ نویں ملازمتاں پیدا تھیسن۔
