اسلام آباد۔5اگست (اے پی پی) وفاقی وزیر اطلاعات تے نشریات مریم اورنگزیب آکھیا جو پاکستان ہک واری ولا معاشی استحکام آلے پاسے ویندا پئے، پاکستان قدیم تہذیباں دا گہوارہ اے جینکوں سانبھݨ کیتے سکرین ٹورازم دی لوڑھ اے۔ 15 مہینے پہلے اساں اقتدار اچ آئے تاں ملک اچ معاشی بدحالی ہئی، نواز شریف دور اچ آئی ایم ایف پروگرام پورا تھی ڳیا ہئی پچھلی حکومت معیشت کوں اتنا بدحال کیتا جو اونکوں ولا آئی ایم ایف کنے ونڄݨا پیا اتے آپݨے دستخط تھیے آئی ایم ایف پروگرام دی خلاف ورزی کیتی اتے اونکوں معطل کر ݙتا۔ وزیراعظم محمد شہباز شریف اتے وزیر خزانہ دی کوششاں نال آئی ایم ایف پروگرام بحال تھیا۔ ملک دی معیشت ٹکدی ویندی اے۔ پاکستان ہک واری ولا معاشی استحکام آلے پاسے ویندا پئے، پاکستان قدیم تہذیباں دا گہوارہ اے جینکوں سانبھݨ کیتے سکرین ٹورازم دی لوڑھ اے۔ اے ڳالھیں انہاں سینٹرل بورڈ آف فلم سینسرز اچ سینسر سینما ہال دی افتتاحی تقریب اچ شرکت دے بعد میڈیا نال ڳالھ مہاڑ کریندیں ہوئیں آکھی۔ ایں موقع تے وفاقی سیکرٹری اطلاعات تے نشریات سہیل علی خان اتے وزارت اطلاعات دے ٻئے حکام وی موجود ہن۔
