اسلام آباد۔2جولائی (اے پی پی):ترجمان دفتر خارجہ زاہد حفیظ چوہدری روس دے صدر ولادیمیر پوتن دے دورہ پاکستان متعلق میڈیا رپورٹس تے رد عمل ݙیندے ہوئیں آکھیے جو پاکستان اتے روس نیڑے شراکت دار اتے دوست ہن۔ݙوہیں ملکاں ولوں سربراہان دی سطح تے ھک ݙوجھے کوں دعوت نامے ݙتے ڳئن تاں جو روسی صدر دے دورہ پاکستان دے حوالے نال حالی تئیں کوئی شیڈول طے نی تھیا ۔سنوار کوں میڈیا دے ھک سوال دا جواب ݙیندے ہوئیں ترجمان آکھیے جو پاکستان اتے روس نیڑے شراکت دار اتے دوست ہن۔ݙوہیں ملک ایں طرح دے مستحکم کثیر الجہتی تعلقات کیتے پر عزم ہن جیڑھے جو نہ صرف ݙوہیں ملکاں دے قومی بلکہ عالمی امن و سلامتی دے نال خطے دے بہتر مفاد اچ وی ہووون ۔ترجمان آکھیے جو اعلی سطح تے دورے دا تبادلہ ودھدے ہوئے پاک روس تعلقات دا اہم حصہ اے۔اڄوکے سال اپریل اچ روس دے وزیر خارجہ سرگئی لاووروف اسلام آباد دا کامیاب دورہ کیتا ہئی جݙاں جو گزریل سال پاکستان دے وزیر خارجہ شاہ محمود قریشی اتے وزیر دفاع پرویز خٹک رشین فیڈریشن دے دورے کیتے ہن ۔ترجمان آکھیے ݙوہیں ملکاں ولوں سربراہان دی سطح تے ھک ݙوجھے کوں دعوت نامے ݙتے ڳئن تاں جو روسی سربراہ دا دورہ پاکستان دا حالی کوئی شیڈول کائنی۔
