اسلام آباد۔13جون(اے پی پی)یف اے ٹی ایف دا اہم اجلاس 14 توں 17 جون تئیں جرمنی دے شہر برلن اچ تھیسی۔ اجلاس اچ پاکستان دے گرے لسٹ توں کݙھݨ بارے فیصلہ تھیوݨ دا امکان اے۔ پاکستان ایف اے ٹی ایف دے 34 اچوں 32 نکات تے عملدرآمد کر ݙکھائے ڄݙاں جو باقی ݙو نکات تے جزوی عمل سانڳے اقدامات کیتے ویندے پن۔ ݙسایا ڳئے جو پاکستان ایف اے ٹی ایف دے 2018 دے ایکشن پلان دے 27 اچوں 26 نکات تے ڄݙاں جو 2021 دے ایکشن پلان دے تحت 7 اچوں 6 نکات تے عمل کیتے۔ ایف اے ٹی ایف اجلاس اچ پاکستانی وفد دی نمائندگی وزیر مملکت برائے خارجہ امور حنا ربانی کھر کریسن۔ اجلاس اچ پاکستان بارے امور 15 توں 16 جون دے اجلاس اچ زیر بحث لائے ویسن۔
