اسلام آباد۔15جولائی(اے پی پی)صدر مملکت ڈاکٹر عارف علوی پاکستان ایئر فورس، ایئر وار کالج انسٹیٹیوٹ دے سینیٹ ارکان لاوݨ دی منظوری ݙے ݙتی۔ ایئر وار کالج دے سینیٹ ممبران اچ صدر مملکت، چیف آف ایئر سٹاف، پی ایس او ٹریننگ اتے صدر ایئر وار کالج بطور ایکس آفیشو ممبران شامل ہین۔ ارکان اچ ہک وفاقی حکومت دا نمائندہ، متعلقہ شعباں دے 4 ماہرین، ہک ایلومنائی، تدریسی شعبے دے 2 نمائندے اتے 4 فیکلٹی ممبران، ایچ ای سی دا نمائندہ، رجسٹرار اتے ڈائریکٹر کیو ای سی وی بطور ممبران ہسن۔ صدر مملکت پی اے ایف ایئر وار کالج انسٹیٹیوٹ ایکٹ 2021 ء دے تحت ادارے دے پیٹرن ہین۔ صدر مملکت ممبران دی تعیناتیاں ایکٹ دے سیکشن 8 (3) دے تحت کیتن۔
