لاہور۔11اکتوبر(اے پی پی) لاہور ہائیکورٹ ماحولیاتی آلودگی اتے سموگ دے تدراک کیتے دائر درخواستاں تے سماعت دا تحریری حکم نامہ جاری کرݙتے۔ عدالت لاہور سودھے پورے پنجاب اچ موٹرسائیکل تے ہیلمٹ نہ پاوݨ آلیں کوں 2ہزار روپے جرمانہ کرݨ دا تحریری حکم جاری کرݙتے ۔ لاہورہائیکورٹ دے جسٹس شاہد کریم سموگ تدارک دے حوالے نال شہری ہارون فاروق سودھے ٻئے دیاں درخواستاں تےگزریل سماعت دا ٻدھ دے ݙینھ تحریری حکمنامہ جاری کیتے۔ دائر درخواستاں اچ ماحولیاتی آلودگی اتے سموگ دے تدارک سانڳے اقدامات نہ کرݨ دی نشاندہی کیتی ڳئی ۔ عدالت تحریری حکم نامے اچ گھراں اچ ڳاݙیاں دھوو آلیں کوں 5ہزار روپے جرمانہ کرݨ دا حکم ݙتا تے ایں حوالے نال ڈولفن پولیس کوں مانیٹرنگ دی ہدایات جاری کرݙتن ۔
