اسلام آباد – 28 – آڪٽوبر (اي پي پي) پرڏيهي معاملن واري مملڪتي وزير حنا رباني کر سان پاڪستان ۾ گڏيل قومن جي ريزيڊنٽ ڪوآرڊينيٽر جولين هارنيس پرڏيهي آفيس ۾ ملاقات ڪئي. پرڏيهي آفيس جي ترجمان پاران جاري بيان موجب پرڏيهي معاملن واري مملڪتي وزير گڏيل قومن جي عهديدار سان ملاقات دوران پاڪستان ۾ تباهي آڻيندڙ ٻوڏ کانپوءِ متاثر علائقن ۾ بچاءُ ۽ امدادي ڪوششن جي لاءِ گڏيل قومن جي تعاون سان گڏوگڏ بحالي ۽ نئين سر تعمير جي لاءِ اڳتي جي ضرورتن جي ڏس ۾ پاڪستان جي جامع منصوبي تي خيالن جي ڏي وٺ ڪئي.
