اسلام آباد۔19فروری (اے پی پی):اسلام آباد اچ نیشنل سوشل میڈیا کوآرڈینیشن ورکنگ گروپ ( این ایس ایم سی ڈبلیو جی ) دے نال فیس بک، انسٹاگرام، واٹس ایپ اتے میسنجر دی بنیادی کمپنی “میٹا “دے نمائندیں حکومت دی ڈیجیٹل ٹرانسفارمیشن دے سلسلے اچ اقدامات اچ تعاون تے ڳالھ مہاڑ کیتی ۔وزیر اعظم عمران خان اکتوبر 2021 اچ این ایس ایم سی ڈبلیو جی تشکیل ݙتا ہئی تاں جو ڈیجیٹل پلیٹ فارمز دے نال ڳالھ مہاڑ کتے سوشل میڈیا متعلق پالیسیاں تے کم کیتا ونڄ سڳے ، ورکنگ گروپ ڈیجیٹل پلیٹ فارمز دی پاکستان اچ سرمایہ کاری دی حوصلہ افزائی تے وی بھرپور توجہ ݙیندا پئے ورکنگ گروپ دے نال آپݨے پہلے اجلاس اچ میٹا دے نمائندیں حکومت کوں آپݨے انہاں اقدامات بارے ݙسایا جیڑھا جو ڈیجیٹل خواندگی، شمولیت اتے کم دی اہلیت اچ اہم کردار ادا کریندن ۔ انہاں رابطے، مضر رساں مواد کوں ہٹاوݨ کیتے ٹولز تے سسٹمز، مقامی قوانین، قواعد و ضوابط دے فریم ورک دی تعمیل، اتے مقامی مواد دے تخلیق کاراں دی مدد کرݨ دے طریقے دے شعبیں اچ ممکنہ سانجھے تعاون دیاں کوششاں تے وی ڳال مہاڑ کیتی ۔این ایس ایم سی ڈبلیو جی میٹا دے سارے پلیٹ فارمز توں مضر رساں اتے غیر قانونی مواد کوں موثر اتے وختی معتدل بݨاوݨ بارے آپݨے خدشات بارے ݙسایا ۔ ݙوہیں فریقاں ایں ضمن اچ طریقہ کار کوں بہتر بݨاوݨ تے مواد کوں معتدل بݨاݨ تے مقامی قوانین دی تعمیل کیتے تعاون جاری رکھݨ تے رضامندی ظاہر کیتی ۔میٹا دے ممبران ڈیجیٹل منظر نامے تے موجودگی ودھاوݨ دے سلسے اچ پاکستان دے مستقبل دے منصوبیں دی تعریف کیتی ایندے توں انڄ ، میٹا اتے ورکنگ گروپ اکیڈمیا، انکیوبیشن سینٹرز، اسٹارٹ اپس اتے ٹیلی کام سروسز ݙیوݨ دے نال اشتراک کرتے پاکستان اچ کمیونٹی لیب دے ممکنہ قیام تے اتفاق کیتے اے لیب پاکستان اچ کنیکٹیویٹی ایکو سسٹم کوں ودھاوݨ اچ مدد کیتے جدید ٹیکنالوجی دے حل تیار کرݨ تے انہاں کوں پرکھݨ کیتے ھک پلیٹ فارم ݙیسی۔ جنوبی ایشیا کبٹپ میٹا رے ہیڈ پبلک پالیسی صارم عزیز، آکھیے جو ورکنگ گروپ دی تشکیل ڈیجیٹل پلیٹ فارمز کیتے حکومتی اسٹیک ہولڈرز دے نال رابطے اچ رہݨ ، وژن اتے خیالات دا اشتراک کرݨ تے درکار ضرورتاں دے سلسلے اچ فوری کارروائی کوں سوکھا کرݙتے ۔ اساں وݙے پیمانے تے اقتصادی ترقی گھن آوݨ کیتے کنیکٹیویٹی انفراسٹرکچر اتے ڈیجیٹل اپ اسکلنگ پروگراماں اچ اشتراک کریندوں تے سرمایہ کاری دے ذریعے پاکستان اچ پائیدار ڈیجیٹل معیشت بݨاوݨ دے حکومت پاکستان دے وژن دی تعریف کریندے کریندوں تے ایں ڳال کوں یقنی بݨاوݨ کیتے حکومت دے رلے کم کرݨ کیتے پرعزم ہن جو آن لائن جاہواں محفوظ، آزاد تے پاکستان اچ ہر کہیں کیتے قابل رسائی رہن۔این ایس ایم سی ڈبلیو جی ݙسایا جو اے میٹا دے نال ھک نتیجہ خیز اتے سود مند پہلی ڳال مہاڑ ہئی تے ورکنگ گروپ ڈیجیٹل سرمایہ کاری کیتے مشاورت جاری رکھی ہوئیاے جیڑھا جو وݙی مدت پائیدار اقتصادی ترقی کوں تقویت ݙیسی ، اساں ایں ضمن اچ میٹادی حوصلہ افزائی کریندوں جیڑھا جو نہ صرف مقامی رابطے دیاں کوششاں اچ سرمایہ کاری کر یندا پئے بلکہ اے پاکستانی کاروباراں تے تخلیق کاراں کیتے آپݨے پلیٹ فارمزتے بامعنی، قابل اعتماد آمدنی پیدا کرݨ کیتے مختلف طریقے وی تلاش کر یندا پئے تے مستقبل اچ نویں موقع ڳولݨ کیتے پرعزم اے۔اے حکومت پاکستان تے میٹا دے درمیان پہلا اجلاس تھئے جیں حکومت پاکستان تے میٹا اچ شروع تھیوݨ آلی ٻہوں ساری مصروفیات دا تعین کیتے کیوں جو ݙوہیں ملک اچ ڈیجیٹل کنیکٹیویٹی اتے شمولیت کوں ودھاوݨ دا عہد کریندن ۔
