اسلام آباد۔19اگست (اے پی پی) وزیر اعظم دے کوآرڈینٹر برائے صحت ڈاکٹر مختار احمدبھرتھ آکھیا جو پاکستان اچ ایم پاکس دے کیسز بارے صورتحال تسلی بخش اے۔ ایم پاکس بارے ایئرپورٹس اتے انٹری پوائنٹس تے سکریننگ اتے سرویلنس دا موثر نظام موجود اے۔ پمز ہسپتال اچ آئسولیشن وارڈ مختص کیتا ڳئے۔ اے ڳالھیں انہاں اسلام آباد انٹرنیشنل ایئرپورٹ دے دورہ دے موقع تے آکھی۔ وزارت صحت توں جاری بیان موجب ڈاکٹر مختار احمد بھرتھ ایم پاکس دے اننظامات دی نگرانی او آپ کریندے پئن۔ انہاں سنوار کوں اسلام آباد ایئرپورٹ تے منکی پاکس دی سرویلنس دا جائزہ ڳھدا۔ ایئرپورٹ تے بارڈر ہیلتھ سروسز دے عملے ڈاکٹرمختار احمد بھرتھ کوں متعلقہ اقدامات تے بریفنگ ݙتی۔ ایں موقع تے ڈاکٹر مختار بھرتھ آکھیا جو سارے ایئرپورٹس اتے انٹری پوائنٹس تے سکرینگ اتے سرویلنس دا موثر نظام موجود اے۔ انٹرنیشنل ہیلتھ ریگولیشنز دی سفارشات تے عمل کیتا ویندا پئے۔
