اسلام آباد۔10جنوری (اے پی پی) وفاقی وزیر داخلہ محسن نقوی جمعیت علمائے اسلام دے سربراہ مولانا فضل الرحمن نال انہاں دے گھر ملاقات کیتی۔ وزیر داخلہ محسن نقوی مولانا فضل الرحمن دی خیریت پچھی اتے انہاں دی صحت کیتے نیک خواہشات دا اظہار کیتا۔ ملاقات اچ آپسی دلچسپی دے معاملے اتے ملک دی صورتحال تے ڳالھ مہاڑ کیتی ڳئی۔ خیبرپختونخوا خصوصی طور کرم اچ امن بارے ڳالھ مہاڑ وی کیتی ڳئی۔ محسن نقوی اتے مولانا فضل الرحمن امدادی شئیں دے قافلیاں دی پاراچنار آوݨ تے اطمینان کیتا۔ وفاقی وزیر آکھیا جو کرم اچ امن کیتے سارے سٹیک ہولڈرز کوں اعتماد اچ ڳھدے۔
