اسلام آباد – 11 جولاءِ (اي پي پي) نگران وزيراعظم جسٽس (ر) ناصرالملڪ گهرو وزارت کي پوري ملڪ ۾ سيڪيورٽي انتظامن ۾ اضافي جي لاءِ صوبائي حڪومتن کي هدايتون جاري ڪرڻ جي هدايت ڪئي آهي. اها ڳالهه هن وزيراعظم آفيس ۾ امن امان بابت اجلاس جي صدارت ڪندي چئي. نگران گهرو وزير محمد اعظم خان، قانون واري نگران وزير سيد علي ظفر، وزيراعظم جي سيڪريٽري سهيل عامر، گهرو سيڪريٽري يوسف نسيم کوکر، نيشنل انٽيليجنس بيورو جي ڊائريڪٽر احسان غني، نيڪٽا جي ڪوآرڊينيٽر محمد سلمان، وزيراعظم جي ايڊيشنل سيڪريٽري ڪاظم نياز ۽ ٻين اعليٰ عملدارن اجلاس ۾ شرڪت ڪئي.
