اسلام آباد – 24 مارچ (اي پي پي) صدر ڊاڪر عارف علوي ڪرونا وائرس کان بچڻ جي لاءِ ماڻهن کي آگاهي ڏيڻ جي حوالي سان ميڊيا ۽ سياسي پارٽين جي ڪردار کي ساراهيندي چيو آهي ته شهري ان وبا جي ڪري گهرن ۾ صحت بابت مصروفيتون جوڙين، ٻارن کي سٺي تربيت تي ڌيان ڏين ۽ الله تي ڀروسو رکن، پنهنجي صحت ۽ خوراڪ جو خيال رکندي مناسب احتياطي تدبيرون اختيار ڪن. ڪرونا بابت آگاهي ڏيڻ جي حوالي سان هڪ وڊيو پيغام ۾ صدر ڪرونا وائرس بابت آگاهي ڏيڻ جي لاءِ ميڊيا، سياسي پارٽين جي ڪردار کي ساراهيو.
