راولپنڈی۔12مئی(اے پی پی):شمالی بلوچستان اچ فرنٹیئر کور (ایف سی ) دے کیمپ تے دہشتگرداں حملہ کیتے جیں دے نتیجے اچ پاک فوج دے 2 جوان شہید تھی ڳئن ،سکیورٹی فورسز دی جوابی کارروائی اچ 2 دہشت گردہلاک تھی ڳئن ۔ آئی ایس پی آر موجب شمالی بلوچستان دے علاقے مسلم باغ اچ ایف سی کیمپ اچ سکیورٹی فورسز دے آپریشن دے دوران دہشتگرداں دی فائرنگ توں 2 جوان شہید اتے 3 زخمی تھی ڳئن ۔سکیورٹی فورسز جوابی کارروائی کرتے 2 دہشت گرداں کوں ہلاک جݙاں جو ٻئے کوں بلڈنگ کمپلیکس تئیں محدود کرݙتے۔
