اسرائيل اولهه ڪناري ۾ طبي سهولتن جي فراهمي ۾ رڪاوٽ وجهي رهيو آهي: ڊاڪٽرز ود آئوٽ بارڊرز

image

عمان- پهرين ڊسمبر(اي پي پي) ڊاڪٽرز ود آئوٽ بارڊرز جي سربراه ڪرسٽوس ڪرسٽو چيو آهي ته اسرائيلي فوج اولهه ڪناري جي شهر جنين ۾ تنظيم جي طبي ٽيمن جي اسپتال ۾ ڪم ۾ رنڊڪ وجهي رهي آهي،ميڊيا رپورٽن موجب اولهه ڪناري مان واپسي کان پوءِ اردن جي گادي واري شهر عمان ۾ پريس ڪانفرنس ڪندي ڪرسٽوس ڪرسٽو چيو ته اسرائيلي فوج جي حملي دوران ايم ايس ايف جي طبي ٽيمن کي معطل ڪيو ويو ۽ انهن جي ڪم ۾ رڪاوٽ وڌي ۽ فلسطينين کي طبي خدمتون فراهم ڪرڻ کان روڪيو، هن غزه پٽي جي صورتحال کي خطرناڪ قرار ڏيندي چيو ته اهڙي تباهي واري صورتحال اڳ ڪڏهن به نه ڏٺي آهي، هن چيو ته غزه پٽي ۾ ڪابه جاءِ محفوظ نه آهي ۽ 10 لک کان وڌيڪ ماڻهو غير انساني صورتحال ۾ زندگي گذاري رهيا آهن.

مضمون کا ماخذ : کلیوپیٹرا