اسلام آباد۔4جنوری (اے پی پی):وزیر اعظم دی معاون خصوصی تخفیف غربت و سماجی تحفظ سینیٹر ڈاکٹر ثانیہ نشتر آکھیے جو احساس دے ناں تے عوام کوں لٹݨ آلے عناصر دے نال سختی نال نبݨیا ویسی ، اے ڳال انہاں ڈائریکٹر جنرل ایف آئی اے دے نال اہم ملاقات اچ آکھی اے ۔ ملاقات دا مقصد احساس دے ناں تے جعلسازی کرݨ آلے عناصر دے خلاف خلاف اشتراک کوں ودھاوݨا ہئی ، ایں موقع تے ڈاکٹر ثانیہ نشتر آکھیے جو احساس اتے ایف آئی اے بدعنوان عناصر کوں کیفر کردار تئیں پڄاوݨ کیتے پرعزم ہن،ہݨ احساس اتے ایف آئی اے دے درمیان ہفتہ وار میٹنگز دا انعقاد تھیسی۔ انہاں آکھیے جو احساس دے ناں تے عوام کوں لٹݨ آلے عناصر دے نال سختی نال نبݨیا ویسی ۔ڈی جی ایف آئی اے ولوں احساس کوں مکمل تعاون دا یقین ݙیوایا ڳئے۔
