اسلام آباد۔30ستمبر (اے پی پی) وفاقی وزیر سول ایوی ایشن و پاکستان ریلویزخواجہ سعد رفیق سینیٹ ارکان دے وفد کوں اسلام آباد ایئرپورٹ دے دورے دی دعوت ݙیندے ہوئیں آکھیے جو ملک دے سارے ایئرپورٹس تے بین الاقوامی سطح دیاں سہولتاں ݙیوݨ کیتے کوشاں ہیسے، مسئلے مکاوݨ کیتے ہر ممکن اقدامات کریندے پیوں ، جمعہ کوں سینیٹ اجلاس اچ سوالاں د وقفے ویلھے سینیٹر رخسانہ زبیری دے سوال دے جواب اچ وفاقی وزیر خواجہ سعد رفیق آکھیے جو سول ایوی ایشن سودھے سرکاری اداریں اچ بہتری دی لوڑھ اے ، ایئرپورٹس تے بین الاقوامی سطح دیاں سہولتاں ݙیوݨ کیتے کوشاں ہیسے ، ایئرپورٹ حکومت دی ملکیت اچ رہݨے چاہیدن ، اسلام آباد انٹرنیشنل ایئرپورٹ متعلق مختلف ملکاں دے نال ڳالھ مہاڑ جاری اے ، مسئلیں دے حل کیتے ہر ممکن اقدامات کریندے پیوں ، سینیٹ ارکان دا وفد اسلام آباد انٹرنیشنل ایئرپورٹ دا دورہ کر تے اتھاں دی صورتحال دا جائزہ گھن سڳدے ۔
