اسلام آباد۔7اکتوبر (اے پی پی) سپیکر قومی اسمبلی سردار ایاز صادق دی کراچی اچ چینی شہریاں کوں چا تے ونڄݨ آلے ڳاݙی دے نیڑے دھماکے دی مذمت کریندیں ہوئیں ݙو چینی شہریاں دے جانی نقصان تے کئی لوکاں دے زخمی تھیوݨ تے ا فسوس کیتے۔ سنوار کوں آپݨے مذمتی بیان اچ انہاں متاثرہ ٹبراں نال دلی ہمدردی اتے تعزیت کریندیں ہوئیں آکھیا جو واقعے اچ چینی شہریاں دے جانی نقصان تے ݙکھ تھیے۔ دشمن ناپاک عزائم پاک چین دی دوستی کوں سبوتاژ نی کر سڳدے۔ قانون نافذ کرݨ آلے ادارے واقعے اچ ملوث شرپسنداں کوں گرفتار کر تے قانون دے کٹہرے اچ ڳھن آون۔ انہاں آکھیا جو پاکستان دی پارلیمان اتے عوام ݙکھ ویلھے اچ سوگوار ٹبراں دے ݙکھ اچ برابر دی شریک اے۔
