کراچی۔14اگست (اے پی پی):وفاقی وزیر تخفیف غربت اتے سماجی تحفظ شازیہ عطا مری اہل وطن کوں مبارخ ݙیندے ہوئیں آکھیے جو ملک دے اندر جیڑھے لوک نفرت کھنڈیندن اساں سارے رل تے انہاں دا مقابلہ کریسوں ۔ پاکستان دے 75 ویں یوم آزادی دے موقع تے آپݨے جاری کیتے ڳئے ویڈیو بیان اچ انہاں مزید آکھیے جو اساکوں پاکستانی ہووݨ تے فخر اے ۔ شازیہ مری دا مزید آکھݨ ہئی جو پاکستان ساݙی سنڄاݨ اے ، ساݙی ہر کوشش تے ہرقدم پاکستان دی بہتری اتے ترقی کیتے ہوسی ۔ انہاں آکھیے اساں ایں ڳالھ دا اعادہ کریندوں جو ھک قوم بݨ تے وطن عزیز دی خدمت کریسوں تے اساں بانی پاکستان قائد اعظم محمد علی جناح دے پاکستان کوں یقینی بݨیسوں ایں کیتے اساں محنت نال پاکستان دا لوہا پوری دنیا اچ منویسوں ۔
