اسلام آباد۔23جولائی(اے پی پی)صدر مملکت آصف علی زرداری کرسچن میرج (ترمیمی) ایکٹ 2024 تے ایوان صدر اسلام آباد اچ تھیوݨ آلی تقریب اچ دستخط کیتےن جیندے تحت مسیحی تریمتیں اتے وجاناں دی شادی دی عمر 18 سال کرݙتی ڳئی اے۔ صدر مملکت سرکاری ملازمتاں اچ اقلیتاں کیتے ملازمت دا کوٹہ ٻیا ودھاوݨ تے زور ݙیندے آکھیے جو ایں سانڳے حکومت کوں خط لکھساں جو اقلیتاں ملک دیاں ہکو سویاں شہری ہین، اے وطن انہاں دی وی ملکیت اے، اقلیتاں کوں کڄھ واقعیاں نال مایوس نئیں تھیوݨا چاہیدا۔ صدر مملکت اسلامی جمہوریہ پاکستان دے آئین دے آرٹیکل 75 دے تحت ایکٹ دی منظوری ݙتی، کرسچن میرج (ترمیمی) ایکٹ 2024 دے تحت 1872 دے کرسچن میرج ایکٹ دے سیکشن 60 اچ ترمیم کیتی گئی اے۔ تقریب اچ وفاقی وزیر برائے مذہبی امور و بین المذاہب ہم آہنگی چوہدری سالک حسین، سیکرٹری وزارت مذہبی امور و بین المذاہب ہم آہنگی ذوالفقار حیدر، مسیحی برادری دے ارکان اتے اعلیٰ سرکاری افسران شرکت کیتی۔
